Argazki-muntaia ikusgarriak ziren, zinez ederrak. Dopamina izena jarri zioten kanpainari.

Ez nekien zer zen dopamina, baina “doping” eta “adrenalina” hitzen mundukoa zirudien. Surfak ematen dizkigun sentsazio txuteei egingo zien erreferentzia.

Urte batzuk geroago, surf bideo ezohikoa atera zuen marka hark, eta urazpiko argazkiak egiteko izan zituzten komeriak suma daitezke bertan. Ez zituzten igerilekuren batean egin; instalazioak jarri zituzten Balin urazpian!

Bideoaren testuak dioenez, euforia neurotransmisore bati esaten zaio dopamina biokimikan. Norbaitek erakartzen gaituenean, dopamina askatzen du gure garunak, eta erreakzio horren antzekoa lortzen omen dugu sexua, musika edo surfa gozatzerakoan.

Dopamina, adrenalina, endorfina, bitamina eta beste mina asko ere ematen dizkigu surfak. Sanoa da printzipioz, baina ezin hura gabe bizi.

.

Comments

comments